പുലരി മഴ
മഴ നനഞ്ഞു ഈറനണിഞ്ഞ
പുലരിപ്പെണ്ണിന്റെചുരുള്മുടിയിലെ
മഴത്തുള്ളികള് മുത്തമിട്ടു കതിരവന്
തങ്കകതിരുകള് വിടര്ത്തി പുഞ്ചിരിച്ചു....
കുയില്പ്പാട്ടിനു ഈണമായി
ഇളംതെന്നല് മൂളി
കുളിര്ക്കാറ്റായി തഴുകി
പുലരിക്കു കുളിര്മയായി
പിച്ചിയും മുല്ലയും പുഞ്ചിരി പൂക്കളായി....
കുഞ്ഞിളം കുരുവികള്
വണ്ടുകള് പൂമ്പാറ്റകള്
മുറ്റത്തെ ചെമ്പക പൂമരചില്ലയില്
മുത്തങ്ങളിട്ടു മധു നുകര്ന്നു.....
പിന്നെയും പിന്നെയും
തീരത്ത മോഹമായി
മാനത്തു കാര്മേഘം തേരിലേറി
മാരുതന് മന്ദമായി തേരുതെളിച്ചു
പുലരിപെണ്ണിനെ ഈറനണിയിക്കുവാന്....
ഷിബു.എസ്.ജി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ